Tension në Parlament, deputetët PD rrethojë foltoren

“Gjakrat” janë ndezur gjatë seancës parlamentare të ditës së sotme. Ishte e para deputetja e PD-së, Jozefina Topalli, që hodhi një lumë me akuza ndaj qeverisë, sidomos për çështjen e përgjimeve, njofton TV Klan.

Por akuzave të Topallit iu është përgjigjur kryeministri Edi Rama. Gjatë fjalës së tij ai tha se, me çdo çmimi do miratohet reforma në drejtësi e cila është bërë në bashkëpunim me SHBA e BE.

Fjala “tufë” e përdorur nga Kryeministri Rama për deputetët e PD-së ka irrituar këta të fundit. I pari që është ngritur ka qenë Flamur Noka e më pas të tjerët me radhë. Ata kanë rrethuar foltoren e Kuvendit, ndërsa pas ndërhyrjes së Gardës është urdhëruar ndërprerja  e seancës për 10 minuta.