Forcat e regjimit sulme në rajonin e Malit Turkmen
Forcat e regjimit në Siri kanë kryer sulme artilerie dhe raketash në rajonin e Malit Turkmen (Türkmendağı) në periferi të qytetit Latakia, raporton Anadolu Agency (AA).
Sipas informacioneve të marra nga burimet lokale mësohet se forcat e regjimit që në orët e para të mëngjesit kanë nisur sulmet me artileri topash dhe raketa ndaj fshatrave nën kontrollin e opozitarëve.
Burimet lokale theksojnë se pas sulmeve, forcat e regjimit kanë nisur ofensivë tokësore ku si pasojë kanë patur konflikte të ashpëra me opozitarët.
Në orët e para të mëngjesit u qëlluan me artileri topash dhe raketash rajonet Kelez, Sarraf, Karaman, Karabiber, Xhip Toros, Kalaba, Sallur, İsa Pınar.
Ndërsa në anën tjetër vihet në dukje se zërat e shpërthimeve në rajon dëgjohen edhe nga rajoni Yayladağı i qytetit kufitar Hatay në Turqi.