Azem Vllasi: Vështirë deri tek pajtimi pa njohjen e gjenocidit në Srebrenicë

Avokati dhe politikani i njohur kosovarë Azem Vllasi në sesionin e sotëm të Krug 99 në Sarajevë tha se do të jetë vështirë të arrihet deri tek pajtimin përderisa nuk njihet gjenocidi në Srebrenicë, raporton Anadolu Agency (AA).

Vllasi ka qenë i ftuar në sesionin e rregullt të Krug 99 me temë “Nuk janë eliminuar shkaqet kryesore të paqëndrueshmërisë rajonale”, në të cilën është konstatuar se ka probleme që shkaktojnë vonesa në stabilitetin rajonal, ndërsa është potencuar se ai do të hapë një dialog të sinqertë të liderëve të rajonit dhe se nuk do të mbetet çështje e madhe e heshtur e cila në këtë moment bën që rajoni ende të jetë i paqëndrueshëm.

Mysafiri nga Prishtina, të cilit dje në Milodrazh, në Ditët e Ahdname iu dha karta “Miqtë e Bosnjës”, ka folur edhe për rajonin dhe perspektivat për integrimin evropian, por edhe për problemet në rajon të cilat e ngadalësojnë rrugën drejt integrimit europian.

“Problemet në thelb janë të dyfishta. Ka dy grupe të çështjeve. Së pari, evropianizimi i ngadalshëm i brendshëm i vendeve të rajonit, rregullimi i marrëdhënieve të brendshme me standardet evropiane. Vëmendja e Bashkimit Evropian në këto vende tërheq ose korrupsion ose shkeljen e të drejtave të njeriut dhe mosfunksionimin e sistemit juridik. Lloji i dytë i problemeve ende janë marrëdhëniet e parregulluara midis vendeve në rajon”, tha Vllasi dhe shtoi se në rajon të gjitha vendet kanë vullnet të ecin drejt integrimit evropian.

Ai vlerëson se nuk mund të thuhet se punohet mjaftueshëm për të përmbushur kriteret për përparim të shpejtë drejt Bashkimit Evropian dhe integrimit evropian.

“Duhet të jetë e qartë për të gjithë. Të gjitha shtetet janë të njëjta dhe të barabarta, shtete që dolën nga ish-Jugosllavia. Por, këtu mendoj edhe për marrëdhëniet me shtetin e Shqipërisë. Bosnjë e Hercegovina është shtet sovran, shtet i pavarur me integritetin territorial dhe kufijtë, ndërsa marrëdhëniet e brendshme janë të rregulluara ashtu siç janë rregulluar. Kosova është përfundimisht një shtet i pavarur dhe nuk ka asnjë efekt që ky fakt të kontestohet, ashtu siç bën Serbia”, theksoi Vllasi.