Në flakë malet e Marevcit dhe Butovcit
Një pjesë e maleve të fshatit Marevc të Komunës së Prishtinës ka tre ditë që është kapluar nga flakët. Po ashtu zjarri e ka përfshirë edhe pjesën e malit në fshatin Butovc.
Në vendin e ngjarjes prezent janë zjarrfikësit, të cilët po mundohen ta lokalizojnë zjarrin, njofton Klan Kosova.
Po ashtu për ta vëzhguar ngjarjen nga afër, ka dalë edhe ekipi i sektorit të emergjencave të Komunës së Prishtinës, së bashku me drejtorin Ibush Kelmendi.
Sipas policisë, zjarri nuk ndodhi si pasojë e nxehtësisë, por nga dora e njeriut, me ose pa qëllim, me pikënisje nga lagjja e Canajve dhe ka vazhduar duke u lidhur më tutje edhe në pjesë të tjera.