Del kënga e re e Jennifer Lopez. Kujt i thotë “Nuk jam mamaja jote” këngëtarja?

Siç edhe u prezantua një pjesë e shkurtër në fillm të javës, version i plotë i single-t të ri të Jennifer Lopez, “Ain’t Your Mama” ka mbërritur dhe mund të jetë slogani i marrëdhënies tënde. “Nuk do gatuaj gjithë ditën, nuk jam mamaja jote”.

Sigurisht vështirë që një burrë t’i kërkojë Jennifer Lopez t’i shërbejë, ajo nuk e ka bërë për askënd këtë përveçse për fëmijët, që nga viti 1999 kur u bë e njohur, kështu që mundësitë që ta bëjë për një djalë të zakonshëm, janë shumë të vogla. Por nëse ai i kërkon të veshë një kostum trup me temina dhe të hidhet për të kërcyer, kjo është tjetër histori. Këtë e bën me gjithë qejf për ju, nëse jeni klientë në Vegas Show-n e saj.