Transportonte 2 kg kokainë, arrestohet shqiptari në Milano
Nëse nuk do të kishte shfaqur nervozizëm ai nuk do të kishte rënë në sy dhe nuk do të binte në prangat e policisë italiane, por sjellja e zbuloi se mbante drogë në makinë.
Një 45vjeçar shqiptar është arrestuar nga policia italiane në Milano pasi në makinën e tij gjeti 2 kg kokainë.
I arrestuari është Artan Gjergji. Punonjësit e policisë po kryenin shërbim inspektimi kur ndaluan makinën e dyshimtë që drejtohej nga shqiptari.
Pas shenjës së karabinierëve, shoferi shfaqi nervozizëm dhe sjellja e tij bëri që të ushtrohej kontroll i imët në makinë. Droga ishte fshehur në bagazhin e automjetit e futur në një çantë plastike.
Droga nuk ishte e ndarë, gjë e cila tregon se ajo nuk kishte arritur në destinacionin e marrësit. Policia italiane dyshon se 45vjeçari është korrier, por për hetimet vazhdojnë.