“Panama Papers”, edhe Interi i përfshirë në skandal

Në skandalin e evazionit më të madh fiskal të zbuluar ndonjëherë në botë, rezulton i përfshirë edhe ekipi i Interit. Nuk dihet ende se sa e madhe është përfshirja, por emri i klubit të Milanos rezulton mes 11.5 milionë dokumentave të firmës ligjore “Mossak Fonseca”.

Deri më tani nga ana e klubit zikaltër nuk ka asnjë reagim për këtë çështje. Ndërkohë po dje u zbuluan edhe disa emra futbollistësh të njohur të cilët ishin të përfshirë në këtë skandal. Mes tyre ishte edhe emri i Lionel Messit, i cili duhet se ka zgjedhur parajsën fiskale në Panama për të shmangur taksat.