‘Buxheti-2014’, sot nis debati në Kuvend
Kuvendi i Maqedonisë, sot do të fillojë diskutimin pesë ditor lidhur me propozim buxhetin për vitin 2014. Kështu, arka e shtetit për vitin e ardhshëm do të arrijë 176.5 miliardë denarë.
Të ardhurat janë parashikuar në 158 miliardë e 243 milionë denarë, kurse deficiti buxhetor 3.5 për qind dhe do të financohet nga burime vendore dhe të huaja.
Rritja e Prodhimit Bruto Vendor është parashikuar në 3.2 për qind, kurse inflacioni prej 3.3 për qind.
Niveli i deficitit buxhetor, sipas parashikimeve, do të jetë 3.5 për qind. Propozim-buxheti për vitin 2014 iu dorëzua Qeverisë së bashku me raportin e Komisionit të Financave dhe Buxhetit për amendamentet e pranuara, të shqyrtuara dhe të paraqitura.
Në periudhën dhjetë ditore, që u tregua si e pamjaftueshme, Komisioni Parlamentar i Financave dhe Buxhetit pranoi pesë nga 684 amendamente të paraqitura. Brenda dhjetë ditëve për diskutimin rreth amendamenteve, Komisioni arriti të shqyrtojë vetëm 291 amendamente.