Ja çfarë thotë ambasada britanike për të zhdukurit në Kosovë
Sipas statistikave deri në fund të luftës në Kosovë në qershor të vitit 1999, është vlerësuar se rreth 4,400 deri në 4,500 persona janë të zhdukur.
Megjithatë deri tani 1668 persona janë ende të pagjetur. Në mesin e personave të zhdukur: 261 janë femra dhe 1407 meshkuj; 135 prej tyre kanë qenë nën moshën 18 vjeçare, dhe 331 ishin mbi 65 vjeçare, raporton lajmi.net
Sipas të dhënave është llogaritur se 1.117 janë me origjinë shqiptare, 415 janë serbë, dhe 136 janë nga komunitetet e tjera të Kosovës.
Shumë prej atyre që figurojnë të zhdukur janë vrarë, dhe mbetjet e tyre janë djegur në termocentralin e Obiliqit, minierat e ‘Trepçës’, fabrikën e ‘Ferronikelit’ në Kosovë, ose ‘Mackatica’ dhe ‘Bor’ në Serbi.
Viktimat gjithashtu u hodhën edhe në liqene dhe lumenj. Kështu thotë Ambasada britanike në Kosovës, në një nga njoftimet që ka dërguar për vizitën e Princit të Uellsit në Kosovë, raporton lajmi.net
Shumë prej rasteve të zgjidhura deri më tani, më shumë se 2700 persona janë gjetur në varreza të paligjshme individuale dhe masive, dhe pas identifikimit – kryesisht përmes analizës së ADN-së, janë kthyer për rivarrosje tek familjet e tyre.
Në territorin e Serbisë (në katër varreza masive të gjetura deri më tani) eshtrat e 902 personave janë zhvarrosur dhe riatdhesuar në Kosovë.
Një vit më parë përmes financimit të projektit, Ambasada e Britanisë së Madhe në Prishtinë ka përkrahur gërmimet në Rashkë (Serbi) të cilat rezultuan me gjetjen e 53 mbetjeve mortore të shqiptarëve.
Në të kaluarën, ne gjithashtu kemi mbështetur edhe krijimin e Laboratorëve të Histologjisë dhe Toksikologjisë dhe kemi trajnuar stafin e Kosovës, i cili tani punon në Departamentin e Mjekësisë Ligjore.
