Shtëpia e Bardhë kërkon lirimin e studentit që u dënua me 15 vjet burg në Korenë Veriore (FOTO)
Frederick otto Warmbier, 21 vjeçar është duke u ballafaquar me një dënim prej 15 viteve burgim me punë të rëndë në Korenë Veriore.
Shtëpia e Bardhë ka kërkuar lirimin e studentit të SHBA-së, i cili ishte dënuar pasi që kishte vjedhur një shenjë propaganduese nga një hotel, transmeton lajmi.net.
21 vjeçari ishte arrestuar në Pyongyang janarin e kaluar dhe ishte akuzuar për komplot të një akti armiqësor kundër regjimit, nën urdhrin e CIA-së.
Një zyrtar i Shtëpisë së Bardhë ka thënë se besojnë që arrestimi kishte qenë me motive politike për shkak të ndodhive të fundit, transmeton lajmi.net.
Prindërit e studentit, Fred dhe Cindy Warmbier, kanë rrëfyer se nuk kanë biseduar me djalin e tyre qysh nga arrestimi i tij. /lajmi.net