Seanca të pesë komisioneve kuvendore
Në Kuvendin e Republikës së Maqedonisë për sot janë paralajmëruar seanca të komisioneve për mbrojtje dhe siguri, shëndetësi, për transport, lidhje dhe ekologji, për bujqësi, pylltari dhe ekonominë e ujërave dhe të Komisionit ligjdhënës-juridik.
Në rend dite të seancës së Komisionit për mbrojtje dhe siguri janë propozim-ligjet për ndryshimin e ligjeve për prodhimin dhe qarkullimin e armatimit dhe pajisjeve ushtarake, për menaxhim me kriza, për zjarrfikësit, për sigurinë në komunikacionin në rrugë, të gjitha në procedurë të shkurtuar, në lexim të dytë.
