Peticioni kundër Delawies, sulm ndaj pavarësisë
Ish-ministri i Punëve të Jashtme, Enver Hoxhaj, peticionin e iniciuar për largimin e ambasadorit amerikan në Kosovë, Greg Delawie, e ka cilësuar sulm ndaj pavarësisë së Kosovës.
Ai në një intervistë për “Epokën e re” ka thënë se kjo tendencë antiamerikane në Kosovë nuk përfaqëson vullnetin e qytetarëve të Kosovës. Hoxhaj i ka ftuar të gjitha subjektet politike ta dënojnë këtë akt.
Ish-shefi i diplomacisë se Kosovës ka vlerësuar se frymën anti-amerikane në Kosovë po e nxit përplasja e disa subjekteve politike me bashkësinë ndërkombëtare.
