Diplomacia turke konfirmon pozitën e pandryshuar për emrin kushtetues
Turqia fuqishëm i mbështet përpjekjet e Maqedonisë për anëtarësim në NATO dhe në Bashkimin Evropian dhe të drejtën ta shfrytëzojë emrin e saj kushtetues në skenën ndërkombëtare, ka theksuar kryetari i Kuvendit të madh kombëtar turk Xhemil Çiçek në takimin e djeshëm në Ankara me kryetarin e Grupit të deputetëve të Kuvendit të Maqedonisë për bashkëpunim me Parlamentin e Turqisë Kenan Hasipi.
Çiçek ka theksuar se Turqia angazhohet për respektimin e sovranitetit dhe integritetit territorial të Maqedonisë, duke vlerësuar që stabiliteti dhe progresi i Maqedonisë është një garanci për paqe dhe progres në tërë Ballkanin.
“Maqedonia është vend kyç për mirëqenien dhe stabilitetin e tërë Ballkanit. Për këtë u japim rëndësi të madhe marrëdhënieve me Maqedoninë. Dëshirojmë të zhvillojnë marrëdhënie edhe më të thella dhe më të fuqishme me këtë vend” deklaroi kryetari i Parlamentit turk.
Hasipi, i cili e udhëhoqi delegacionin e Maqedonisë i ka shprehur falënderim Turqisë për mbështetjen e dhënë në rrugën euroatlantike. Delegacioni i Grupit të deputetëve të Kuvendit për bashkëpunim me Parlamentin e Turqisë i udhëhequr nga deputeti Kenan Hasipi, ndërsa në të cilën janë edhe deputetët, Amdi Bajrami, Behixhuidn Shehabi, Gazmend Ali dhe Erdogan Saraçi është në vizitë kthyese në Turqi.
