Dimri polar në Maqedoni, nesër në mëngjes temperatura jashtëzakonisht të ulëta

Temperaturat jashtëzakonisht të ulëta që kanë përfshirë Maqedoninë dhe do të jenë të pranishme këto tre ditë paraqesin kërcënim për shëndetin e personave me sëmundje kronike të cilët kanë probleme të frymëmarrjes dhe kardiovaskulare, shpjegojnë mjekët. Ata tërheqin vërejtjen që këto persona rregullisht të marrin terapinë e duhur, mos të dilet jashtë pa nevojë, dhe kur ta kenë patjetër, të dalin mirë të përgatitur, njofton Alsat M.

Mjekët nga ndihma e shpejtë i këshillojnë qytetarët të kenë kujdes si vozisin në temperatura të ulëta, sepse përvojat e tyre thonë se atëherë rritet numri i aksidenteve. Për nesër Enti Hidrometeorologjik njoftoi se temperaturat do të arrijnë në minus 17 gradë.

Mjekët rekomandojnë qytetarët të jenë të kujdesshëm dhe të ushqehen me masë dhe të shmangin konsumin e alkoolit që në mot të ftohtë mund të krijojë probleme në funksionimin e enëve të gjakut. Rekomandohet lëvizje e kujdesshëm në vende të rrëshqitshme për të shmangur thyerje serioze.