Moti i keq në Stamboll, anulohen 95 fluturime

Aviokompania turke Turkish Airlines (THY) ka anuluar të paktën 95 fluturime nga aeroporti Ataturk në Stamboll, për shkak të erërave të fuqishme që priten sot dhe nesër, raporton Anadolu Agency (AA).

Siç thuhet në njoftim, për sot dhe nesër janë anuluar fluturimet brenda dhe jashtë Turqisë. THY në faqen e saj zyrtare në internet bëri të ditur se sot ka anuluar 50, ndërsa për nesër 45 fluturime.

Lidhur me fluturimet pasagjerët mund të informohen në internet adresën “www.turkishairlines.com”.