Identifikohen sulmuesit në Xhakarta

Policia në Indonezi ka identifikuar katër nga pesë sulmuesit në Xhakarta. Dy prej tyre ishin të dënuar më parë.

Njëri nga ta – Afif Sunakim, është parë të bartë armë dhe municione gjatë sulmeve. Më parë i njëjti ishte i dënuar si pjesëtar i një kampi terrorist, transmeton Klan Kosova.

Të pesë vdiqën gjatë sulmeve të së enjtes, që lanë të vdekur edhe dy civilë, për të cilat përgjegjësinë e mori Shteti Islamik.

Tri arrestime janë bërë të premten, por ende është e paqartë nëse ishin të lidhura me sulmet.

Forcat e sigurisë u përballën me militantët në një zonë shumë të frekuentuar të qytetit – me ç’rast vdiq një qytetar indonezian dhe një kanadez, ndërsa të paktën 20 tjerë mbetën të lënduar.