Zyrtare: Anulohen të gjitha fluturimet në Aerportin “Adem Jashari”
Zyrtarë të Aeroportit të Prishtinës, kanë konfirmuar se sot nuk do të realizohet asnjë fluturim për shkak të mjegullës së dendur.
Zëdhënësja e aeroportit “Adem Jashari” , Valentina Gara, ka thënë se që nga mesnata, në aeroportin e Prishtinës nuk është realizuar më asnjë fluturim. Ajo ka thënë se shkak është mjegulla e dendur e cila po mbretëron ditën e sotme.
“Qysh mbrëmë në mesnatë nuk është realizuar më asnjë fluturim. Ndërkaq sot të gjitha fluturimet janë anuluar”, ka thënë Gara.