Fisnik Shabani u zgjodh kryetar i ri i Forumit Rinor Islam
Forumi Rinor Islam mbajti kuvendin e pestë zgjedhor. Të pranishëm në kuvend ishin një numër i madh i mysafirëve, si përfaqësues të organizatave të ndryshme, ish kryetarët e FRI-së, anëtarë e aktivistë të tjerë, njofton Portalb.
Kryetari i ri i kuvendit të FRI-së u zgjodh Muhamed Jashari, dy nëkryetarët u zgjodhën Ilir Sulejmani dhe Ganimete Shasivari.
Pas fjalës përshëndetëse të kryetarit të ri të kuvendit, kuvendarët propozuan dhe pas votimit, kryetar i Forumit Rinor Islam u zgjodh Fisnik Shabani.
Fisnik Shabani jeton dhe vepron në Tetovë. Ka kryer studimet në Fakultetin e Drejtësisë në Universitetin e Evropës Juglindore, në të njejtin vazhdon edhe studimet pasdiplomike, në të njejtin drejtim. Në periudhën 2012-2015 ka qenë kryetar i FRI-së, Dega në Tetovë.
Kuvendi poashtu miratoi edhe formimin e një pjese të kryesisë së FRI-së për periudhën 2015-2019, që do ta përbëjnë kryetarët e Degëve ku vepron FRI-ja, Liridon Ismaili nga Kumanova, Abdulhamid Mustafa nga Shkupi, Mevlan Abazi nga Tetova, Xhemal Ahmedi nga Kërçova, Veton Ibrahimi nga Prilepi, Mevlan Zendeli nga Gostivari.
