Fronteks vjen në kufirin Maqedoni-Greqi
Në kufirin MaqedoniGreqi do të sistemohen pjesëtarë të Agjencisë evropiane për menaxhim me bashkëpunimin operativ të kufijve të jashtëm të BEsë, Fronteks, vendosi OSBE në mbledhjen e djeshme në Beograd, në të cilën ka marrë pjesë edhe ministri i Punëve të Jashtme i Maqedonisë, Nikolla Poposki, njofton MIA.
Sipas marrëveshjes së arritur, ushtarët e Fronteks nga java e ardhshme në kufirin grek me Maqedoninë duhet të ndihmojnë në regjistrimin e refugjatëve dhe të migrantëve. Ministri Poposki pas mbledhjes së OSBEsë deklaroi se dërgimi i Fronteksit në kufi është sinjal i mirë dhe se do të ndihmojë në tejkalimin e tensioneve.
“Përfundimisht dërgimi i Fronteksit në kufirin MaqedoniGreqi është sinjal i mirë. Pas një bindjeje të gjatë mendoj se kjo do të ndihmojë në tejkalimin e tensioneve, të cilat kanë ekzistuar në periudhën e kaluar dhe mendoj se do të mundemi ta përmirësojmë bashkëpunimin me autoritetet greke, sepse prania e Fronteksit do të thotë ndihmë edhe në pjesën e regjistrimit dhe përcaktimit të procedimit të mëtutjeshëm të migrantëve”, deklaroi ministri Poposki.
