Ardit Gjebrea: Kënga Magjike parashikohet të jetë një drithërimë artistike
“Kënga Magjike këtë vit parashikohet të jetë një drithërimë artistike”, kështu ka thënë drejtuesi i këtij festivali, Ardit Gjebrea, përmes një shkrimi në profilin e tij Instagram.
Që në fillimet e prezantimeve të këngëve tek e “E diela shqiptare” si pjesë e këngës magjike, është thënë se kjo garë për ketë vit do të jetë shumë e fortë, njofton Klan Kosova.
Artistë prej më të mirëve kishin vendosur që të jenë pjesë e këtij viti, duke nisur nga Flori Mumajesi që i mungoi kësaj skene për gjashtë vite rresht, e duke vazhduar me Stine, Albërie Hadërgjonaj, Shpat Kasapi, Klajdi Haruni, Bruno, dhe shumë të tjerë.
Por, çdo gjë mbetet të shihet deri në netët finale më 3, 4 dhe 5 dhjetor.