OEMVP në Çikago, në Konferencën “Mundësitë globale me Kosovën”
Me ftesë të dhe nën organizimin e Asosacionit të Intelektualëve, Afaristëve dhe aktivistëve Amerikano-Shqiptar, Odës Ekonomike Amerikano-Izraelite, Qeverisë së Izraelit – Misionit ekonomik në Miduest, Asosacionit të Grave Amerikano-Shqiptare, Oda Ekonomike e Maqedonisë Veri-Perëndimore, në një delegacion të përbërë nga Kryetari Nebi Hoxha, Kryetari i Kuvendit, Kasam Zendeli dhe Nënkryetarit Mendi Qyra, me datë 11 dhe 12 Nëntor, do të jetë e pranishme në Konferencën Ekonomike “Mundësitë globale me Kosovën”, në Çikago.
Kjo është një Konferencë shumëpalëshe, në nder të Atifete Jahjaga, presidente e Republikës së Kosovës dhe njëherit gruaja e parë që mban këtë pozitë në Ballkanin Perëndimor. Programi përfshin panelistë që përfaqësojnë shtetin e Izraelit dhe zyrtarë ekonomike nga shteti i Illinois dhe qyteti i Çikagos. Delegacioni me në krye znj. Jahjaga do të prezantojë mundësitë e investimit në Kosovë, rrjetëzimet e mundshme mes bizneseve shqiptaro-izraelite, mundësitë që ofron Kosova si shteti më i ri në Ballkan dhe ngjashëm.
Duke patur parasysh kapacitetet e bizneseve vendore dhe hyrjes direkte në tregje kombëtare, mënyra më e lehtë dhe më e kapshme për bizneset tona është rrjetëzimet e këtij lloji – theksoi Kryetari Nebi Hoxha në fillim të kësaj Konference. Delegacioni i OEMVP-së, përveç konferencës do të vizitojë më pas disa nga bizneset dhe afaristët më të fuqishëm shqiptar, izraelit dhe amerikanë të cilat kanë shfaqur interes për të hyrë në tregun ballkanas.