Van Hojte do të udhëtojë në Bruksel për konsultime shtesë
Thuajse pa asnjë përparim të bisedimeve, kanë përfunduar edhe takimet e djeshme bilaterale në të cilat mediatori i Komisionit Evropian ka tentuar që t’i përafrojë qëndrimet e partive politike nënshkruese të Marrëveshjes së Përzhinos, rreth kompetencave të ministrave të opozitës në Qeverinë e Gruevskit, transmeton Portalb.
Ende nuk ka marrëveshje, për opsionin e vetos të zëvendësministrave, gjegjësisht për periudhën se kur duhet të vlerësohet si fillim i organizimit të zgjedhjeve, gjatë së cilës zëvendësministrat do të munden t’i kontestojnë vendimet e ministrave.
Gjatë këtij vikendi nuk do të ketë bisedime për shkak se lehtësuesi Vanhojte për 24 Vesti ka thënë që do të udhëtojë në Bruksel për konsultime shtesë.