Marrëveshja e Përzhinos e bllokuar: As në qiell as në tokë!
“Status quo”, ky është epilogu pasi që dje para partive ka arritur propozim i ri ligjor, sipas të cilit rregullohen kompetencat e ministrave dhe zëvendësministrave. Ndonjë lëvizje pritet sot, njofton DW, transmeton Portalb.
Këtë propozim ligjor, në formë të shkruar, në të cilin rregullohen kompetencat e ministrave dhe zëvendësministrave, e kanë marrë katër partitë nënshkruese të Marrëveshjes së Përzhinos, VMRO-DPMNE, LSDM, BDI dhe PDSH nga lehtësuesi evropian Piter Van Hojte. Ashtu siç njoftojnë burimet nga negociatat, partitë politike kanë pasur konsultime brendapartiake për këtë propozim, por edhe takime bilaterale me Vanhojten. Por, duke e pasur parasysh se mbrëmë deri vonë nuk ka pasur informata se është caktuar takim i grupeve punuese, në të cilën do të ishte biseduar dhe do të ishte arritur marrëveshje për këtë propozim, deri më tani ende qëndrimet e partive nuk janë njësuar, transmeton Portalb.
