Limaj kritikon Mustafën, Thaçin e Veselin: Këta thelluan krizën politike në vend

Lideri i Nisma-s për Kosovën, Fatmir Limaj përmes një postimi në Facebook ka kritikuar kryeministrin Isa Mustafa dhe zëvëndësin e tij Hashim Thaçin për thellimin e krizës politike në vend.

Limaj ka theksuar se në vend të reflektimit ata kanë zgjedhur shtetin policor si përgjigje ndaj kësaj krize politike, e rezultati i kësaj sjellje të tyre do të jetë turpërues për ta.

Lexoni postimin e plotë:

Isa po thot koaliconi është stabil, kurse Hashimi po na fol për demokracinë. Këta të dy po e lavdërojn Kadriun për “shkathtësit e tij” ( duke përfshi këtu e mos veçu fjalët e tij të pista për deputetët ) sepse ai e gjeti një skut dhe në ora 2 pas mesnate, pasiqë e mbushi mbrenda parlamentin me polici dhe e rrethoj atë nga jasht me njësi speciale, të mbaj një mbledhje dhe krejt kjo sipas tyre për të treguar se gjendja është normale dhe se gjithqka po fuksionon.

Me këtë logjik të sjelljes komuniste e lindore këta njerëz mbrëmë e kan thelluar edhe më shumë krizën politike në vend.

Këta në vend të reflektimit kanë zgjedhur shtetin policor si përgjigje ndaj kësaj krize politike, e rezultati i kësaj sjellje të tyre do të jetë turpërues pë ta.