Azilkërkuesja shqiptare lind katërnjakë në Gjermani
Një azilkërkuese shqiptare në Gjermani ka lindur katërnjakë. Lajmi është raportuar në mediat gjermane, sipas të cilave, gruaja ka sjellë në jetë tre vajza dhe një djalë, përmes ndërhyrjes cezariane.
Lindja është bërë në Spitalin Universitar në Jena dhe gruaja ishte në javën e 32 të shtatzënisë.
Fëmijët mbahen nën kujdesin e mjekëve, pasi kanë nevojë për marrjen e një medikamenti, që stabilizon mushkëritë. Ndërkohë, prindërit kishin shkuar në Gjermani në muajin korrik.
