Konfliktet në Nigeri, të paktën 17 të vdekur
Të paktën 17 persona kanë humbur jetën gjatë të martes, në akte të ndryshme të dhunës që lidhet me kryengritjen e Boko Haram në rajonin verilindor të Nigerisë, bëjnë të ditur zyrtarët e sigurisë në këtë vend, raporton Anadolu Agency (AA).
Zëdhënësi i ushtrisë Sani Usman, tha sot se të paktën shtatë persona humbën jetën gjatë tre sulmeve vetëvrasëse me bombë në Maiduguri, kryeqyteti i shtetit Borno.
Ai specifikoi se sulmuesit janë numëruan në mesin e të vdekurve, duke shtuar se 11 persona janë plagosur gjatë shpërthimeve që ndodhën të marten vonë.
Në shtetin fqinj Yobe, zëdhënësi i ushtrisë Sani tha se 10 militantë të Boko Haram gjatë të martes u vranë në një pritë nga ushtarët.
“Ata u zunë në pritë derisa ktheheshin nga një sulm mbi Gajiram që gjendet afër fshatit Ngollom”, tha zëdhënësi. Ai shtoi se janë konfiskuar armë të ndryshme nga militantët.