Gruevski i bindur: Në zgjedhjet e 24 prillit do ta mposhtim LSDM-në
Kryeministri Nikolla Gruevski ka përsëritur se VMRO-ja do ta mund LSDM-në në zgjedhjet e ardhshme, të caktuara për në 24 prill. Në një intervistë për portalin NetPress, Gruevski ka theksuar prioritetet e tij për periudhën e ardhshme. Ai shfaqet i kënaqur me marrëveshjen politike të arritur me të cilën u zgjidh kriza.
“Jam mësuar me euforinë e rrejshme që LSDM-ja po përhap prej 10 vitesh tashmë” ka thënë Gruevski, duke theksuar se besimi i popullit, do të thotë fitore e madhe për VMRO-në,” është shprehur Gruevski.
Sipas kryeministrit, populli është garancia më e fortë se VMRO DPMNE-ja do të fitojë në zgjedhjet parlamentare të radhës. Qytetarët duhet të presin përfitime nga qëllimi i fuqishëm që ka qeveria në realizimin e projekteve, ka thënë kryeministri.
