Çair: Pastrohen rrugët dhe rrugicat me rastin e festës së Fitër Bajramit

Komuna e Çairit në bashkëpunim me n.p “Higjiena komunale” duke startuar prej dje ka filluar me aksion gjeneral  për pastrimin e të gjitha rrugëve dhe rrugicave të Komunës së Çairit me rastin e festës së Fitër Bajramit.

Në konferencën për mediat që e mbajti sot Kryetari i Çairit Izet Mexhiti  apeloi deri tek të gjithë qytetarët të ndihmojnë dhe të kyçen në këtë aksion.

Pastrimi në fjalë bën pjesë në kampanjën që ka filluar disa muaj më parë me moton  “Le të jetë pastër, së bashku për Çairin” dhe aktivitetet e këtij lloji do të vazhdojnë edhe në të ardhmen.

Me këtë rast Kryetari i Komunës së Çairit falenderoi Qytetin e Shkupit dhe n.p “Higjienën Komunale” për investimin që bëri më zëvendësimin e kontenjerëve të vjetër me kontenjerë të ri- plastik të cilët do të jenë më lehtë për përdorim dhe njëherit janë më ekologjik.