Shtëpia e Bardhë dënon bombardimet në Aleppo

Shtëpia e Bardhë ka dënuar sulmet e fundit me raketa dhe bomba-fuçi që regjimi sirian po kryen kundër civilëve, dhe thotë se Damasku duhet të respektojë zotimin e dhënë se do të lejoj pa asnjë kusht hyrjen e ndihmave humanitare.

“Sulmet gjatë fundjavës vranë më shumë se 300 njerëz, shumë prej të cilëve ishin fëmijë”, tha zëdhënësi i Shtëpisë së Bardh, Jay Carney.

Sipas një deklarate për medie, Carney ka thënë se qeveria siriane duhet të përmbush zotimin e dhënë për të hap rrugën për ndihmën humanitare, në mënyrë që milion burra, gra dhe fëmijë sirian të mund të kenë qasje në shërbimet urgjente.