Kumanovë, banorët e “Lagjes së Trimave” për Portalb: shumë shtëpi janë shkatërruar (FOTO)
Tre orë kemi ndejtur me familjen të ngujuar në shtëpi kur ishte vala e luftës, më pas erdhi policia na mori të gjithve pa dallim dhe na marrë në stacion policor. Kështu shprehet plaku Isa Lutfia për Portalb, banor i “Lagjes së Trimave” pasi është kthyer në shtëpinë e tij pas aksionit policor dy-ditor në këtë vend. Ai është një nga personat shtëpia e të cilit është shkrumbuar.
LEXO: MPB: Përfundoi aksioni në Kumanovë
“Nuk ka pasur dhunë nga policia po vetëm na kanë përplasur, më pas na kan pyetur çmos në polici dhe na kanë lëshuar. Unë 70 vite jetoj në këtë shtëpi tash është shkatërruar.”shprehet ai.
Sipas tij, gjuajtja ka filluar herët në mëngjes dhe ai ka qenë në shtëpi, por në asnjë moment nuk ka parë kush ka krisur.
“Nuk pamë asnjë njeri. Na dogj policia shtëpinë. Kush ka krisur nuk e di, as lëvizje të njerëzve të panjohur nuk kemi parë më herët. ” thotë ai.
Anesa Aliti, banore e “Lagjes së Trimave” për Portalb thotë se pamjet e para janë të tmerrshme në këtë vend.
“Edhe pse është natë, dallohet shkatërrimi dhe gjaku në rrugë. Vjen era barut. Shumë shtëpi të shkatërruara shohim. Mendoj që askush nuk do të flejë këtu sonte. Banorët vinë, shohin si i kanë braktisur shtëpitë e tyre dhe lajmërojnë familjarët. Ne nuk do të rrimë sonte këtu edhe pse shtëpia jonë nuk kishte dëmtime” shprehet për Portalb, Aliti.
Hoxha i Kumanovës, Elijasa Muahmudi ka dalë në këtë lagje dhe po verifion dëmet e bëra.
Në rrugë një shitore i ka hapur dyert në shenjë solidariteti shpërndan bukë për qytetarët. Banorët kthehen. /Portalb
Foto nga Portalb dhe media tjera.
Pse dhe vetem PSE VMRO dhe BDI e mbajti kongresin mu nè KUMANOVE??????!