Malik Obama arrin në Shkup

Në aeroportin e Shkupit “Aleksandri i madh” dje ka ardhur Abongo Malik Obama, vëllai nga babai i kryetarit të SHBA-ve, 

Malik Obama në Maqedoni vjen me ftesë të Klubit Ballkanik të Paqes, që ta marrë çmimin e Kartës Ballkanike për Paqe të fondacionit “Barak H. Obama”. Çmimi do të ndahet në një ceremoni që do të mbahet sot në orën 16 në hotelin “Aleksandar Palace” në Shkup. 

Stavre Xhikov, njëri nga anëtarët e Klubit Ballkanik të Paqes tha se ka nderin të jetë pjesë e kësaj ngjarjeje. Pas vizitës në Maqedoni, Obama do të vazhdojë në një mini turne ballkanike. /Portalb