Mot me diell, të premten borë

Moti në Maqedoni do të jetë me diell. Paradite do të ketë kushte për paraqitjen e mjegullës nëpër disa fushëgropa të caktuara. Do të fryjë erë e lehtë nga drejtimi perëndimor dhe veriperëndimor.

Temperatura e mëngjesit do të luhatet prej minus gjashtë deri në dy, ndërsa e ditës prej tetë deri në 14 gradë Celsius.

Në Shkup do të mbajë mot me diell, me mjegull të dobët paradite. Temperatura e mëngjesit do të ulet deri në minus tre, ndërsa ajo e ditës do të ngjitet deri në 10 gradë Celsius.

Deri të enjten do të mbizotërojë mot stabil dhe i thatë, kryesisht me paraqitjen e mjegullës në disa fushëgropa të caktuara. Temperaturat e mëngjesit në më shumë vende do të jenë nën zero.

Nga e premtja pasdite do të ketë vranësira të rritura me erë mesatare deri në të përforcuar dhe reshje lokale të shiut, ndërsa në vendet më të larta me borë.