Çollaku: Zgjedhjet e BDI-së në Llabunishtë të falsifikuara në favor të Merkos
Bashkim Çollaku,anëtar i Komisionit për Organizimin e zgjedhjeve në BDI-në e Strugës në një reagim për Gazetën Koha konsideron se pretendimet për falsifikim të zgjedhjeve në Këshillin vendor të BDI-së në Llabunishtë janë të vërteta dhe reale.
Sipas tij, ka qënë kjo situatë e nderë ku përveç falsifikimit klasik ku nuk kanë munguar edhe krismat si shenjë triumfaliteti, që detyroi një pjesë e anëtarëve të BDI-së të largohen nga takimi zgjedhor.Çollaku saktëson se ai në disa raste ka informuar koordinatorin për Njësinë e pestë zgjedhore,Nevzat Bejta që ta ndërpresë procesin zgjedhor i cili po rezultonte një farsë, por këto reagime të tij kanë rezultuar të kota, gjë që sipas tij e detyruan të largohet nga takimi zgjedhor i Llabunishtit.
“Të gjithë këtë farsë zgjedhore që prodhoi një rezultat të paqënë e filloi anëtari i vet Komisionit Vait Ajro, i cili në funksion të falsifikimit të zgjedhjeve në favor të një grupi ndërhyri te fletët e votimit duke rrethuar vota për persona për të cilët nuk ishte votuar për anëtarë të Kryesisë së KV-së së Llabumnishtit.Kjo situatë rezultoi me tension në sallë dhe solli reagimin e një pjese të anëtarëve të BDI-së të Llabunishtit të largohen në mënyrë demonstrative nga takimi”, përfundon Çollaku.Para disa ditëve u finalizua procesi zgjedhor në BDI-në e Llabunishtit, ku nuk munguan edhe përplasjet mediatike për mbarëvajtjen e zgjedhjeve.Për kryetar të Këshillit Vendor të Llabunishtit është zgjedhur Rashit Mehmedoski, ndërsa për anëtarë të Kuvendit të degës së Strugës janë zgjedhur Nedim Ramizi,Teki Maksutoski,Azis Mehmedoski dhe Beqir Rashiti.