DASH: Vizitë historike e Kryeministrit shqiptar për një kapitull të ri

Departamenti amerikan i Shtetit e quan historike Vizitën e Kryeministrit shqiptar Edi Rama në Beograd.

Në deklaratën e zëdhënësit të DASH, Jen Psaki, thuhet se Shtetet e Bashkuara të Amerikës përgëzojnë Kryeministrin shqiptar Edi Rama dhe atë serb Aleksandër Vuçiç në vizitën e parë zyrtare nga një Kryeministër shqiptar në Beograd pas afro 70 vitesh.

“Ne e mirëpresim angazhimin e përbashkët që dy liderët treguan për hapjen e një kapitulli të ri miqësie dhe bashkëpunimi midis dy vendeve të tyre”, thuhet në deklaratën e Departamentit Amerikan të Shtetit.