Horror në Meksikë, vriten dhe digjen 45 studentë

Tre persona u arrestuan nga policia e Meksikës, për shkak të tragjedisë në Iguala, pasi pranuan vrasjen dhe djegien e pjesës më të madhe të 45 studentëve të instituti magjistral të zhdukur më 26 shtator.

Ky fakt u koonfirmua nga Prokurori i Përgjithshëm Jesus Murillo Karam. Tre personat e arrestuar i përkasin grupit të narkotrafikantëve të Guerreros Unidos, i cili kishte marrë peng të rinjtë. Sipas dëshmisë së tre të ndaluarve, studentët e Iguala ishin dërguar në Cocula ku dhe u vranë.

Rreth 15 studentë gjetën vdekjen prej asfiksisë para se të mbërrinin në destinacion, ndërsa pjesa tjetër e tyre u eksekutuan me armë dhe trupave iu vu zjarri. Karam konfirmoi se gjatë djegies disa nga studentët ishin ende të gjallë. Të rinjtë u rrëmbyen gjatë një sulmi mes policisë dhe narkotrafikantëve, gjatë të cilit u shkaktuan gjashtë të vdekur.