Zviceranët në referendum për arin e shtetit
Në fund të nëntorit do të mbahet referendumi zviceran, ku do të deklarohen qytetarët për fatin e arit nacional të vendit, që duhet të jetë bazë e sistemit financiar.
Votuesit do të vendosin nëse do të ndalohet shitja e rezervave të arit të Bankës Qendrore zvicerane, si dhe ruajtjen e së paku 20 për qind të rezervave të Bankës Nacionale në formë të arit.
Referendumi vjen si pasojë e krizës financiare që ka “kërcënuar” besimin e letrave me vlerë, si dhe shitjen e arit nacional zviceran në 15 vjetët e fundit, njofton albinfo.
Zvicra në vitin 1999 kishte 2600 tonë ari, prej të cilave deri sot ka shitur më shumë se gjysmën, ndërsa sipas raportit të fundit posedon vetëm 1.040 tonë.