Mot me diell dhe vranësira mesatare

Moti në Maqedoni do të jetë me diell, me vranësira mesatare dhe me erë të dobët juglindore. Paradite në disa fushëgropa do të ketë paraqitje të mjegullës së dobët.

Temperatura e mëngjesit do të lëvizë prej tre deri 14, ndërsa ajo e ditës prej 23 deri 26 gradë Celsius.

Në Shkup do të mbizotërojë mot i ngjajshëm, paradite me paraqitje të mjegullës së dobët, ndërsa gjatë ditës mot me diell, me vranësira mesatare dhe me erë të dobët juglindore. Temperatura e mëngjesit do të ulet deri në 10, ndërsa ajo e ditës do të rritet deri në 24 gradë Celsius.

Në ditët në vijim do të ketë mot kryesisht stabil dhe relativisht i ngrohtë me mjegull paradite nëpër fushëgropa të caktuara. Nga fundi i javës do të ketë rritje të vranësirave me rreshje të kohëpaskohëshme lokale, ndërsa do të fryjë erë mesatare veriore, e cila do të shkaktojë uljen e temperaturës ditore për pesë deri gjashtë gradë Celsius dhe do të lëvizë prej 19 deri 22 gradë Celsius.