Shtyhen shqiptarët kush shpenzon ma shumë euro e franga në dasma! (Video)

Periudha e verës është padyshim më aktivja në të gjithë krahinën e Pollogut. Para pa fund hidhen nga qytetarët e këtyre anëve për të organizuar dasma apo ngjarje të tjera familjare. Madje, tashmë po bëhet dhe “garë” se kush i organizon dasmat më mirë dhe se kush fton këngëtarë sa më të njohur nëpër ahengje familjare, njofton Koha TV.

Situata është vërtetë “alarmante”, pasi ka dasma, shpenzimet e të cilave shkojnë nga 20 mijë në 30 mijë euro. Sociologu Hasan Jashari thotë se dasmat janë një shenjë e mirë, por se duhet patur kujdes me shpenzimet. Aq me bujë bëhen dasmat në Pollog, saqë së fundmi në rrjete sociale po qarkullon një video, ku shihet një këngëtare e mbuluar me para.

Derisa paratë hidhen lumë për gëzime familjare, nga ana tjetër në Pollog nuk ekziston asnjë fondacion që t’ju japë para nxënësve apo studentëve të varfër të zonës.