Konsumatorët ankohen më shumë për cilësinë e aparateve teknike

Në gjysmën e parë të vitit konsumatorët në Maqedoni më tepër janë ankuar për servisimin dhe shitjen e aparateve jocilësore teknike. Në organizatë për mbrojtje të konsumatorëve ka pasur 502 telefonata , ndërsa 20 për qind e tyre kishin të bënin me telefonat celualarë, shtatë për qind me televizorët dhe 4 për qind për tabletë dhe lap-top dhe të kompjuterëve.

Konsumatorët janë ankuar edhe për produkte të tjera si, mobile, këpucë, automjete dhe pjesë rezervë. Tek mobiliet ankesat kanë qenë për periudhën e gjatë të dërgesës ose përpunim jocilësor.
Në organizatë janë evidentuar edhe 129 telefonata me ankesa për shërbimet e marra. Prej tyre 23 për qind kanë të bëjnë me agjencitë turistike, veçanërisht në kartelin e dytë të vitit.

Konsumatorët, theksohet nga organizata, më shpesh janë ankuar për mosplotësimin e pjesës të oferëts , siç janë mosmarrja e dhomave me pamje nga deti, shërbime all inkluziv, transporti nga aeroporti në hotel, falas dhe elementë të tjerë që kanë qenë kontraktuar më parë në agjencinë turistike dhe kanë qenë pjesë e ofertës.

Apelojnë tek konsumatorët që të mos presin dhe menjëherë në afat prej 8 ditësh nga udhëtimit të paraqesin ankesë në vetë agjencinë dhe të presin një afat prej 15 ditësh që t’i kthehet përgjigje për ankesën. Nëse marrin përgjigje negative ose nuk marrin aspak përgjigje, të drejtohen në Inspektoratin shtetëror të tregut, i cili procedon në pajtim të kompetencave ligjore, por gjithashtu menjëherë mund të fillojnë edhe kontest gjyqësor, respektivisht të paraqesin padi me kërkesë për kompensim.

Nga fusha e shërbimeve publike në shkallë kombëtare në Organizatën e konsumatorëve ka pasur 115 telefonata prej të cilave pjesa më e madhe 33 për qind kanë qenë për telefoni celulare. Problemi më shpesh janë llogaritë e vjetra prej të cilave konsumatorët konfirmojnë në kohë janë paguar, ndërsa operatorët celularë për shkak të gabimit në sistemin kanë parashtruar kërkesë për pagesë të llogarive të vjetra e cila nuk është treguar në faturat paraprake. Në pjesën e këshillimeve specialiste ka pasur 108 telefonata, ndërsa pjesa më e madhe 52,7 për qind të pjesës së shërbimeve financiare, ushqimit (26,8%), strehim (18,5%) dhe të drejtën e pacientëve.