Komisioni Evropian prezanton raportin e progresit të Maqedonisë
Komisioni Evropian pritet sot për herë të katërt të propozojë datë për fillimin e negociatave aderuese të Maqedonisë me Bashkimin Evropian.
Kjo, sipas paralajmërimeve joformale, do të jetë rekomandimi kyç që sot pasdite në pres-konferencën e caktuar do ta kumtojë komisari për Zgjerim Shtefan Fule, i cili do t’i prezantojë raportet e progresit të vendeve kandidate dhe kandidateve pottenciale.
Pas kësaj, raportin në Shkup para opinionit do ta prezantojë evroambasadori Aivo Orav, e më pas ai personalisht do t’ia dorëzojë presidentit Gjorgje Ivanov, kryeministrit Nikolla Gruevski dhe kryetarit të Parlamentit, Trajko Velanovski.
Pritet që Komisioni Evropian të konstatojë progres në përmbushjen e kritereve politike, veçmas pas fillimit të dialogut aderues në nivel të lartë midis Shkupit dhe Brukselit.
Vendimi nëse Maqedonia do t’i illojë negociatat është në duar të Këshillit Evropian, i autorizuar për vendosjen sipas rekomandimeve të Komisionit. /portalb/