Një tjetër breshkë e rrallë në brigjet shqiptare
Pas rasteve në Patok, në Radhimë e Orikum, një tjetër specie e rrallë në bregdetin e Vlorës.
Një breshkë, e cila quhet kareta-kareta, ka rënë në rrjetat e peshkatarëve dhe peshon rreth 40 kg.
Breshka është e ujërave të Detit Mesdhe dhe jeton në thellësi të mëdha, ndaj edhe cilësohet e veçantë për ujërat shqiptare.
Breshka ishte e sëmurë dhe u kërkua ndihma e biologëve për ta trajtuar. Pasi të shërohet ajo do të hidhet sërish në det.