Ja sa harxhuan partitë politike gjatë zgjedhjeve
Harxhimet e pothuajse të gjitha partive politike në vend për fushatën zgjedhore kanë kaluar të ardhurat që kanë në llogarinë e tyre, me çka fushatat i përfunduan me minus në llogari, tregon raporti i Komisionit Shtetëror për parandalim të korrupsionit që ka të bëjë me periudhën prej 17 deri 25 prill.
Më shumë para në zgjedhje ka harxhuar koalicioni për Maqedoni më të mirë e udhëhequr nga VMRO-DPMNE dhe atë më shumë se 727 mijë euro, ose 592 mijë euro më shumë se sa disponon kjo parti në llogarinë e sajë.
Nga partitë shqiptare BDI ka harxhuar 132 mijë euro më shumë se sa ka pasur në llogari ndërsa PDSH 3.600 euro.
Në ueb faqen e Komisionit shtetëror për parandalimin e korrupsionit nuk është publikuar raporti financiar për LSDM-në as për fushatën për zgjedhjet e parakohshme as për atë presidenciale. Nga Komisioni thonë se nuk kanë marr raport nga kjo parti ndërsa nga LSDM thonë se raportin e kanë dorëzuar sipas afatit ligjor më 25 prill.
