Tusk u bëri thirrje shteteve nga G-7 ta riafirmojnë politikën e sanksioneve kundër Rusisë

Kryetari i Këshillit evropian, Donald Tusk u bëri thirrje të gjitha anëtareve të grupit G-7 që ta riafirmojnë politikën e sanksioneve kundër Rusisë, për shkak të Ukrainës.

“Nga takimi i fundit i G-7-shit në Japoni nuk shohim asgjë, me të cilin do të arsyetohet politika e ndryshimit të sanksioneve. Për këtë arsye u bëjmë thirrje të gjitha anëtareve të G-7-shit ta riafirmojnë atë politikë”, tha Tusk në konferencën për shtyp para hapjes së samitit të G-7-shit në Taormina, Sicili.

Kundër Rusisë janë vendosur sanksione ndërkombëtare për shkak të anektimit të Gadishullit të Krimesë dhe mbështetjs për separatistët prorusë në Ukrainën Lindore.

Çështja për heqjen e sanksioneve është inicuar shpesh herë. Sekretari amerikan i Shtetit, Reks Tillerson megjithatë deklaroi disa herë se sanksionet do tëp mbeten në fuqi, pasi që tërësisht të implementohen marrëveshjet e Minskut.

“Nuk ka dyshim se ky do të jetë ndër samitët më kompleks të G-7-shit, sepse në agjendë ka shumë sfida, duke pasur parasysh atë se disa nga pjesëmarrësit ka qëndrime shumë të ndryshme në tema të ndryshimeve klimatike dhe tregtisë”, tha Tusk.