Tumbovski publikon të dhëna të reja për aferën korruptive të Gruevskit

Tumbovski ka dalë sot me akuza të reja adresuar Ministres së brendshme Gordana Jankullovska dhe kryeministrit Nikolla Gruevski për marrjen e gjysmë milioni eurosh para në dorë, si donacion VMRO DPMNE-së. 

Tumbovski, jo vetëm që përsëriti, se Jankullovska i ka marrë personalisht paratë, me urdhër të Gruevskit, duke i dhënë kuponin me vulën e partisë dhe firmën e saj, por akuzoi se për këtë krim, Prokuroria, Organet gjyqësore dhe vetë Ministria e Brendshme kanë qenë në dijeni që në vitin 2009. 

“Me datën 16.09.2009 pikërisht këto kuponë me 50 mijë euro si dhe me 80 mijë euro, për fatkeqësinë e tyre, në fotokopje ishin marrë për kontroll në banesën time gjatë kohës që unë isha në paraburgim. Kuponët u morën me urdhrin e Mitko Çakovit, kryeshef i atëhershëm i krimit të organizuar në Shkup. 

Me urdhër të gjykatëses hetuese Vesna Basotova, gjykata themelore e Shkupit mori kuponët me forcë dhe në mënyrë të paligjshme. Këta kuponë janë notuar si të marrë edhe dhe në procesverbalin e MPB-së. 

Ata janë me të gjitha dëshmitë e tjera në dosjen KO/NR:24/9 të datës 06-04-2009 dhe madje te gjykatësi Jani Niçev i gjykatës themelore Shkupi 1. A janë të vetëdijshëm se çfarë do të thotë kjo për ta”, ka thënë Zagorac Tumbovski.