Koalicionet dhe partitë do t’i marrin vërtetimet për deputetët e ri

Në Komisionin Shtetëror të Zgjedhjeve (KSHZ) sot pasdite do të dorëzohen vërtetime për deputetët e ri të zgjedhur në zgjedhjet e parakohshme parlamentare 2016.

Kësaj here vërtetimet, siç kumtoi KSHZ-ja, do t’u dorëzohen përfaqësuesve të autorizuar të koalicioneve dhe partive politike të cilët fituan vende deputetësh, e jo si deri tani personalisht deputetëve të sapozgjedhur.

Pritet pas dorëzimit të vërtetimeve, Kuvendi ta kumtojë datën e mbajtjes të Seancës konstituive, e cila duhet të konvokohet më vonë deri të shtunën, 31 dhjetor, në mesnatë.

Seancën konstituive sipas paralajmërimeve, do ta konvokojë dhe me të do të udhëheq kryetari i Kuvendit në largim Trajko Veljanovski.

Nuk ka informacione nëse në seancën e njëjtë do të zgjidhen kryetari dhe zëvendëskryetarët e Kuvendit apo vetëm do të verifikohen mandatet e deputetëve.

Përbërja e nëntë e parlamentit të Maqedonisë do ketë 120 deputetë. Kësaj here nuk do të ketë deputet nga diaspora për shkak numrit të pamjaftueshëm të votave. Më shumë mandate fitoi Koalicioni i udhëhequr nga VMRO-DPMNE 51, Koalicioni i udhëhequr nga LSDM ka 49 mandate, BDI-10, BESA – 5, Aleanca për Shqiptarët – 3 dhe PDSH – 2.

Presidenti i Republikës së Maqedonisë është i obliguar në afat prej dhjetë ditëve nga konstituimi i Kuvendit mandatin për krijimin e Qeverisë t’ia besoj ndonjë kandidati të partisë, gjegjësisht partive që kanë shumicë në Kuvend. Mandatari në afat prej 20 ditëve nga dita e besimit të mandatit, Kuvendit i parashtron program dhe e propozon krijimin e Qeverisë.

Seancën konstitutive, nëse nuk e konvokon Veljanoski, në ditën e 21-të mund ta konvokojë dhe me të të kryesojë deputeti më i vjetër nga përbërja e re.

Kryesuesi me seancën e parë emëron dy nga deputetët e zgjedhur të cilët sipas nevojës e zëvendësojnë në udhëheqjen me seancën, pastaj me thirrje të deputetëve e konfirmon numrin e deputetëve të zgjedhur prezent.

Kuvendi mund të konstituohet nëse në seancë marrin pjesë shumica e deputetëve të zgjedhur, ndërsa pasi që të konfirmohet kuorumi, zgjidhet kryetari dhe anëtarët e Komisionit për verifikim të Kuvendit, të cilët do t’i verifikojnë mandatet. Kuvendi nga radhët e deputetëve zgjedh kryetar dhe nënkryetar të Kuvendit.

Përbërja e re e Kuvendit do të ketë 62 deputetë të rinj dhe 58 nga përbërja e kaluar, ndërsa disa prej tyre kanë qenë të përzgjedhur nga populli edhe në përbërje të tjera. Nga 120 deputetët e përzgjedhur, 38 janë femra. Përbërja e Parlamentit edhe kjo shifër e përfaqësimit të grave do të mund të ndryshohet pas formimit të qeverisë nëse disa nga deputetët përzgjidhen në funksion në pushtetin ekzekutiv ose nuk e pranojnë mandatin për shkaqe të caktuara. Mandate kanë fituar koalicionet e kryesuar nga VMRO-DPMNE dhe LSDM, BDI, PDSH, BESA dhe Aleanca për shqiptarët.

Koalicioni i kryesuar nga VMRO-DPMNE në zgjedhjet parlamentare të parakohshme fitoi 51 mandate. Deputetët  nga Njësia zgjedhore 1 janë: Nikolla Poposki, Elizabeta Kançeska Milevska, Boris Zmejkovski, Dragan Danev, Daniella Rangellova, Lupço Dimovski, Kërsto Jovanovski Çedomir Sazdovski. Në Njësinë e dytë zgjedhure Nikolla Todorov, Trajko Veljanoski, Zhaklina Peshevska, Ivan Stoilkoviq, Amdi Bajram, Vladanka Aviroviq, Zoran Georgievski, Johan Tarçullovski dhe Vesna Damçevska-Ilievska. Në Njësinë zgjedhore tre janë zgjedhur Ilija Dimovski, Emill Dimitriev, Slagjana Mitovska, Trajço Dimkov, Stojan Milanov, Magdalena Manaskova, Zeqir Ramçiloviq, Nikolla Micevski Blagica Lasovska, Emilia Aleksandrova dhe Ivan Ivanov. Në NJZ 4 janë zgjedhur Nikola Gruevski, Vakover Mançev, Ane Lashkoska, Panço Minov, Vesna Pemova, Vasill Pishev, Nada Cipusheva, Dimitar Stevananxhia, Dragan Cuklev dhe Pavlinçe Çestojnova. Në NJZ5 janë përzgjedhur Antonio Milloshoski, Zoran Ilioski, Ljiljana Zaturoska, Ljuben Arnaudov, Bllagoja Despotoski, Nola Ismajloska – Starova, Kërsto Mukoski, Aleks Vasilevski dhe Liliana Kuzmanoski. Në NJZ 6 mandate kanë fituar Vlladimir Gjorçev, Jusuf Hasani, Dafina Jovanoska Stojanovska dhe Goran Manojloski.

Koalicioni i udhëhequr nga LSDM-ja fitoi 49 mandate, 10 prej të cilëve në NJZ 1: Stevo Pendarovski, Renata Deskoska, Damian Mançevski, Stefan Bogojev, Pavle Bogoevski, Sonja Mirakovska, Dime Velkovski, Tatjana Prentoviq, Ivana Tufegxhiq, Petar Atanasov. Deputetët e LSDM-së nga NJZ 2 janë Oliver Spasovski, Frosina Tashevska-Remenski, Muhamed Zeqiri, Maja Moraçanin, Ferid Muhiq, Maksim Dimitrievski, Kurto Dudush dhe Tanja Kovaçev. Në të tretën Lupço Nikollovski, Bllagoj Boçvarski, Jagoda Shahpaska, Pançe Ivanov, Sashko Kostov, Juliana Nikollova, Enes Ibrahim, Ilija Nikolovski dhe Mira Stojçevska. Në NJZ 4 janë zgjedhur Zoran Zaev, Hari Lokvenec, Katerina Kuzmanovska, Goran Misovski, Kosta Janevski, Keti Smilevska, Beti Kitev, Sasho Potskov, Milena Georgieva, Meri Lazarova. Në Njësinë e pestë zgjedhore janë zgjedhur Radmilla Shekerinska-Jankovska, Aleksander Kiracovski, Tomisllav Tuntev, Goran Milevski, Vasko Kovaçevski, Irena Stefoska, Jovan Mitreski, Alia Kamberoski dhe Zhaklina Lazareska. Në të gjashtën mandatet e LSDM-së i kanë fituar Petre Shilegov, Gylymsere Kasapi dhe Bllagojçe Trpevski.

BDI fitoi 10 vende deputetësh. Deputeti i deritanishëm Artan Grubi fitoi mandat të ri në NJZ 1. Në NJZ2 BDI ka fituar dy mandate Ejup Alimi dhe Rexhail Ismaili. Në NJZ5 nga kjo parti ka fituar Agim Shaqiri. Në të gjashtën BDI ka fituar gjashtë mandate – Ali Ahmeti, Talat Xhaferi, Shpresa Hadri, Branko Manoilovski, Xhevat Ademi dhe Mirsada Emini Asani.

Lëvizja BESA ka marrë pesë mandate. Zeqirija Ibrahimi është deputet në NJZ1, ndërsa në të dytën mandat ka marrë Afrim Gashi. Në NJZ 6 mandate kanë fituar Bilall Kasami, Fadil Zendeli dhe Teuta Bilalli.

Aleanca e shqiptarëve fitoi tre mandate. Nga Njësia zgjedhore 5 deputet do të jetë Surija Rashidi, ndërsa në të gjashtën mandate kanë fituar  Zijadin Sela dhe Vesel Memedi.

PDSH fitoi dy mandate edhe atë Në Njësinë zgjedhore gjashtë – Menduh Thaçi dhe Bardhyl Dauti.