Kremlini i pret emrat e fajtorëve për vrasjen e ambasadorit rus
Kremlini vlerëson se grupi i cili i heton vrasjen e ambasadorit rus në Ankara, Andrej Karlov, “më herët ose më vonë” do t’i zbulojë fajtorët, deklaroi sot zëdhënësi i Krmelinit, Dimitrij Peskov, njoftoi TASS.
Peskov bëri thirrje të mos shpejtohet me supozimet dhe konkluzionet për fajtorët për vrasjen e Karlovit, por të priten rezultatet nga puna e grupit hetues të përbashkët turko-rus, i cili dje filloi me punë.
Ai refuzoi të japë koment për spekulimet e ndryshme lidhur me vrasjen e Karlovit, përfshirë edhe atë se pas tragjedisë mund të qëndrojnë edhe shërbimet e huaja speciale.
Ambasadori i Rusisë u qëllua më 19 dhjetor, gjatë hapjes së një ekspozite të një fotografie në një galeri në Ankara.
Sulmuesi është vrarë nga ana e forcave të sigurisë.
