Putini sërish personi më me ndikim sipas “Forbs”
Presidenti rus Vlladimir Putin, katër vite me radhë shpallet si personi më me ndikim në botë nga “Forbs”.
“Nga atdheu i tij deri në Siri, si dhe deri në zgjedhjet amerikane, lideri rus vazhdon t’i arrijë qëllimet”, theksohet në sqarimin e “Forbs”.
Në vendin e dytë është presidenti i ri i zgjedhur i SHBA-së Donald Tramp, ndërsa në vendin e tretë është kacelarja gjermane Angela Merkel.
Pastaj vijon presidenti kinez Ksi Xhimping, në vendin e pestë është papa Françesku, ndërsa në vendin e gjashtë është drejtoresha e Bankës qendrore amerikane Xhenet Jellan.
Sipas “Forbs” në vendin e shtatë është bashkëthemeluesi i “Majkrosoft”-it Bill Gejts, pastaj drejtori i “Alfabet” dhe i “Gugëll” lari Pejxh, në vendin e nëntë kryeministri indian Narendra Modi, ndërsa në vendin e dhjetë është themeluesi i “Fejsbuk”-ut Mark Zukerberg.
Bankieri qendror evropian Mario Dragi është në vendin e 11-të, ndërsa kryeministrja e re britanike Tereza Mej është në vendin e 14-të, ndërsa në vendin e 15-të është miliarderi Voren Bafet.
Kryetari i gjigantit të naftës “Ekson Mobil” Reks Tilerson, të cilin Tramp dje e nominoi për sekretar të shtetit është në vendin e 25-të, menjëherë pas presidentit të Francës Fransoa Oland.
