Kontrolle falas me rastin e Ditës botërore të shëndetit

Me rastin e Ditës botërore të shëndetësisë, 7 Prilli, sot në Çarshinë e Vjetër të Shkupit, para Çifte hamamit dhe xhamisë së Murat Pashës, prej orës 9 deri në 14, do të mbahet aksion për kontrolle parandaluese falas për qytetarëve.

Aksionin e organizon Instituti për shëndet publik – Shkup në bashkëpunim me Komunën Çair. Qytetarët mund të bëjnë matjen e sheqerit dhe kolesterolit në gjak, tensionit të gjakut, peshës dhe gjatësisë së trupit, do të jepen këshilla nga ana e një doktori të mjekësisë dhe do të ndahet material  propagandues për stil të shëndetshëm jetësor dhe parandalim nga sëmundjet.

Sipas organizatorëve, qytetarët është e preferuar të jenë të uritur me qëllim të marrjes së vlerave të sakta nga matja e sheqerit dhe kolesterolit. Në ngjarje do të ketë nxënës nga shkollat fillore në Komunën Çair, si dhe ushqim të përgatitur të shëndetshëm “Ushqime nacionale”.