Rritet kërkesa për pagesën e papunësisë në SHBA

Për herë të parë në SHBA, javën e shkuar numri i personave që kërkuan pagesë papunësie u rrit më shumë se pritshmëritë duke kapur shifrën 268 mijë, raporton Anadolu Agency (AA).

Departamenti Amerikan i Punës njoftoi se numri i personave që kanë aplikuar për pagë të papunësisë është rritur me 17 mijë duke arritur në 268 mijë. Ndërkohë që pritshmëritë për këtë numër ishin 253 mijë.

Mësohet se që prej 26 nëntorit aplikimet për pagë papunësie janë rritur me 500 persona.

Nga ana tjetër shifrat e aplikimeve për pagë papunësie në 91 javët e fundit kanë mbetur poshtë nivelit të parashikuar që ishte 300 mijë, duke kapur performancën më të mirë që prej vitit 1970.