Protestuesit në Kosovë ia numërojnë kryeprokurorit veprat penale të Adem Grabovcit
Grupi i qytetareve #protestoj, në vazhdën e protestave pas publikimit të përgjimeve nga Gazeta Insajderi, mbajtën një aksion simbolik te zyra e Prokurorit të Shtetit.
Para dyerve të këtij institucioni kanë vendosur pankarta në të cilat shkruajnë veprat penale, të cilat sipas tyre janë kryer nga Adem Grabovci, e që dëshmohen nga përgjimet.
“Cenimi i të drejtave të punësimit dhe papunësisë, Keqpërdorimi i pozitës apo autoritetit zyrtar, Ushtrimi i ndikimit”, janë tre nga veprat që grupi i qyetarëve #Protestoj thonë t`i kenë identifikuar së bashku me juristë.
Vlera Gjakova njëra nga organizatoret e aksionit tha se duan t`ia përkujtojnë Kryeprokurorit Aleksandër Lumezi se çka thuhet në Kodin Penal për parashkrimin e lëndëve.
“Në bazë të nenit106-107 i përkujtojmë Lumezit se afati i parashkrimit fillon nga ajo kohë kur identifikohet vepra penale”, tha ajo.
Gjakova deklaroi se detyrë e kryeprokurorit Lumezit dhe prokurorisë është të nisë hetimet.
“Ka ardhur koha që prokuroria të jep jap përgjegjësi para qytetarëve”, tha ajo.
Protesta e radhës u paralajmërua se do të mbahet të hënën e javës së kaluar.
